اللعبة الشبيهة للعبة ببجي موبايل Omega Legends للاندرويد والايفون
كمان موجود فى اللعبة اكترمن مود مختلف نفس فكرة ببجى موبايل مع بعض المودات الاضافية الخاصة بلعبة اوميجا لينيد ، كمان موجود مود التدريب نفس الموجود فى ببجى موبايل وموجود فىة كل الاسلحة الموجودة فى اللعبة مع اماكن مخصصة للتدريب على كل سلاح .
يوجد ايضا مود شبية جدا بمود الكلاسيك الموجود فى ببجى موبايل ولكن بتبدا تظهر الاختلافات بين اوميجا لينيد وببجى موبايل لان الاسكواد هنا بيتكون من تلات لعيبة مش اربعة زى ببجى موبايل كمان وضع الرانك الى هو زى الكلاسيك فى ببجى موبايل متوفر فىه خريطتين فقط واحدة مفتوحة باستمرار واسمها maritime industrial zone وواحدة تانية بتفتح يومين فقط في الاسبوع السبت والاحد ودي اسمها green island town .
اللعبة الشبيهة للعبة ببجي موبايل Omega Legends .
| اسم اللعبة | Omega Legends |
| نوع اللعبة | العاب اونلاين |
| الشركة المطورة للعبة | IGG.COM |
| حجم اللعبة | 106 ميجا |
| اصدار اللعبة | 1.0.77 |
| الاصدار الرسمي | من متجر جوجل بلاي |
| متطلبات التشغيل | اندرويد 5.0 او احدث |
| التقييم علي متجر جوجل بلاي | 4.5 |
| عدد مرات التحميل من متجر جوجل بلاي | اكثر من 10 مليون عملية تحميل |
بالمناسبة دا السيزون التانى للعبة يعنى اللعبة لسه فى بدايتها وكمان اللعبة غير متوفرة فى كثير من الدول الى من ضمنها مصر وعلشان نحملها اضطريت اجبها من رابط خارجى علشان نجربها ونقدمهالكم .
فى تشابة كبير جدا فى الاسلحة وانظمتها زى الاسكنات الخاصة بالاسلحة بالاضافة كمان الى نظام تطوير وترقية الاسلحة الى موجود فى ببجى موبايل حاجة كدة شبيهة بتطوير الام فور التلجي مثلا او تطوير اى سلاح تانى .
كمان موجود نفس نظام الاصدقاء والعشيرة بالاضافة الى التشابة الكبير جدا فى نظام التقييم او الرانك والى بيبدا من برونز ثم بلاتينيوم ثم دايموند وبعد كدة اسطورى وبعد كدة اسطورى الاوميجا وطبعا كل رانك جديد بتوصلة بتاخد علية مكافئة بتختلف من سيزون للتانى وبتكون فى الغالب اسكنات للاسلحة .
كمان في تشابة كبير جدا فى انظمة التحكم ومتوفر فيها نظام الجيرو سكوب وتقدر تغير اعداداتة حسب امكانيات موبايلك اوحسب ماانت تحب او زى ماانت اتعودت .
كمان تقدر تتحكم فى الازرار الخاصة باللعبة زى انك تنقل زرار الضرب او زرار فتح الاسكوب على حسب الطريقة الى حابب تلعب بيها .
كمان الجرافيك بتاعها قوى جدا وبيدعم لغاية الترا اتش دى مع ستين فريم كمان نظام الالوان هو نفسة الموجود فى ببجى موبايل وبيديك نفس الاختيارات زى كلاسيك وملون وناعم وسينمائى .
كمان موجود حاجة مهمة جداجدا وهى دعم الصوت المحيطى بمعنى انك لو معاك سماعة محيطية تقدر تحدد مكان الضرب عن طريق الصوت او تقدر تحدد المكان الى جاى لك منة الخصم بمنتهى الدقة وبيكون ليك افضلية فى سرعة الضرب او ممكن كمان تعمل علية برى فير .
من الحاجات الاضافية والى مش موجودة فى ببجى موبايل وموجودة فى اللعبة هنا بعض انواع العلاج بالاضافة الى امكانية زرع الالغام فى الارض ولو خصمك عدا عليها هيتدمج .
كمان موجود طرق للتخفى زى انك تخفى نفسك فى شجرة وتتحرك بيها ونفس الفكرة ممكن تستخبى فى صخرة وتتحرك بيها وهنا الاسقاط الجوى بيتم عن طريق حاجة كدة زى القنبلة بترميها فى الارض وبتطلع اشعاع بينزل من خلالة صندوق زى الدروب فى ببجى موبايل فية اسلحة مميزة ودرع وخوزة .
كمان موجود نفس نظام الشحن وموجود العجلة الدوارة او الصناديق المختلفة الى بتطلع منها ازياء مميزة سواء كانت للشخصية او للاسلحة يعنى نقدر نقول ان اللعبة شبيهة جدا بلعبة ببجى موبايل بنسبة 90%وتقريبا كل حاجة موجودة فى ببجى موبايل موجودة هنا فى اللعبة مع الاضافات التانية الى ذكرناها .
شكرا لتقاسم هذه. كانت مفيدة. استمر في مشاركة مثل هذه الأشياء.
من عنيا ي صديقى .. ومنتحرمش من تعليق الحلو دا